ইংৰাজ শাসনৰ সময়ত ব্ৰিটিছ চৰকাৰে ভাৰতীয় কেন্দ্ৰীয় লোকসেৱা আয়োগ গঠন কৰিছিল। ১৯২৪ চনত লী কমিচনে নিজৰ প্ৰতিবেদনত ভাৰতৰ বাবে স্বতন্ত্ৰ আৰু নিৰপেক্ষ লোকসেৱা আয়োগ গঠনৰ পৰামৰ্শ দিছিল আৰু এনে পৰামৰ্শৰ ভিত্তিত ১৯২৬ চনত কেন্দ্ৰীয় লোকসেৱা আয়োগ গঠন কৰা হয়।
কেন্দ্ৰীয় লোকসেৱা আয়োগ ভাৰতৰ কেন্দ্ৰীয় নিযুক্তি সংস্থা। সংবিধানৰ ৩১৫ৰ পৰা ৩২৩ নং অনুচ্ছেদত ইউ পি এছ চিৰ গঠন সম্পৰ্কীয় বিধানৰ সংজ্ঞা দিয়া হৈছে। ইয়াত অধ্যক্ষ আৰু ভাৰতৰ ৰাষ্ট্ৰপতিয়ে নিযুক্তি দিয়া সদস্যসকল অন্তৰ্ভুক্ত। ভাৰতৰ সংবিধানৰ ৩১৫ নং আইন অনুসৰি কেন্দ্ৰীয় চৰকাৰী সেৱাৰ বিভিন্ন পদত নিযুক্তিৰ বাবে এটা স্থায়ী কেন্দ্ৰীয় লোকসেৱা আয়োগ থাকিব। একেদৰে ভাৰতৰ সংবিধানৰ ৩১৮ নং আইনখনেও কোৱাৰ দৰে কেন্দ্ৰীয় লোকসেৱা আয়োগ গঠন হ’ব এজন অধ্যক্ষ আৰু নিৰ্দিষ্ট সংখ্যক সদস্যৰে; এনে সদস্যৰ সংখ্যা আৰু তেওঁলোকৰ সেৱাৰ চৰ্তসমূহ ভাৰতৰ ৰাষ্ট্ৰপতিয়ে নিৰ্ধাৰণ কৰিব। ৰাষ্ট্ৰপতিয়ে, সেই হিচাপে, আয়োগৰ অধ্যক্ষ আৰু অন্যান্য সদস্যসকলক ছয় বছৰৰ বাবে নিযুক্তি দিয়ে।
ইউ পি এছ চিৰ স্বতন্ত্ৰ আৰু নিৰপেক্ষ কাৰ্য্যকলাপ সুৰক্ষিত আৰু নিশ্চিত কৰিবলৈ সংবিধানত তলত দিয়া ব্যৱস্থাসমূহ উল্লেখ কৰা হৈছে।
সংবিধানত উল্লেখ কৰা পদ্ধতি আৰু ভিত্তিতহে ৰাষ্ট্ৰপতিয়ে ইউ পি এছ চিৰ অধ্যক্ষ বা কোনো সদস্যক পদৰ পৰা অপসাৰণ কৰিব পাৰে। এইদৰে তেওঁলোকে কাৰ্যকালৰ নিৰাপত্তা লাভ কৰে। অধ্যক্ষ বা কোনো সদস্যৰ সেৱাৰ চৰ্ত ৰাষ্ট্ৰপতিয়ে নিৰ্ধাৰণ কৰিলেও নিযুক্তিৰ পিছত তেওঁৰ অসুবিধাৰ বাবে পৰিৱৰ্তন কৰিব নোৱাৰি। ইউ পি এছ চিৰ অধ্যক্ষ আৰু সদস্যসকলৰ দৰমহা, ভাট্টা, পেঞ্চনকে ধৰি সমগ্ৰ খৰচ ভাৰতৰ সমন্বিত পুঁজিৰ ওপৰত আৰোপ কৰা হয় আৰু সংসদৰ ভোটৰ অধীনত নহয়।
ইউ পি এছ চিৰ অধ্যক্ষই কাৰ্যভাৰ বন্ধ কৰাৰ লগে লগে ভাৰত চৰকাৰ বা কোনো ৰাজ্যত অধিক সংস্থাপনৰ বাবে যোগ্য নহয়। ইউ পি এছ চিৰ এজন সদস্যই ইউ পি এছ চি বা ৰাজ্যিক লোকসেৱা আয়োগৰ অধ্যক্ষ হিচাপে নিযুক্তি লাভ কৰিব পাৰে কিন্তু ভাৰত চৰকাৰ বা কোনো ৰাজ্যত আন কোনো নিয়োগৰ বাবে নহয় ইউ পি এছ চিৰ অধ্যক্ষ বা কোনো সদস্য দ্বিতীয় কাৰ্যকালৰ বাবে সেই কাৰ্যালয়ত পুনৰ নিযুক্তিৰ যোগ্য নহয়।
তলত (UPSC) ইউ পি এছ চিৰ সকলো অধ্যক্ষক চাওক।
Name**************Period
1. Sir Ross Barker (ছাৰ ৰছ বাৰ্কাৰ ) ---- 1926-1932 (১৯২৬-১৯৩২)
2. Sir David Petrie (ছাৰ ডেভিদ পেট্ৰি) ---- 1932-1936 (১৯৩২-১৯৩৬)
3. Sir Eyre Gorden (ছাৰ আয়াৰ গৰ্ডেন) ---- 1937-1942 (১৯৩৭-১৯৪২)
4. Sir F. W. Robertson (ছাৰ এফ ডব্লিউ ৰবাৰ্টছন) ---- 1942-1947 (১৯৪২-১৯৪৭)
5. H. K. Kripalani (এইচ কে কৃপালনী) 1947-1949 ---- (১৯৪৭-১৯৪৯)
6. R. N. Banerjee (আৰ এন বেনাৰ্জী) 1949-1955 ---- (১৯৪৯-১৯৫৫)
7. N. Govindarajan (এন গোবিন্দৰাজন) 1955-1955 ---- (১৯৫৫-১৯৫৫)
8. V. S. Hejmadi (ভি এছ হেজমাদী) 1955-1961 ---- (১৯৫৫-১৯৬১)
9. B. N. Jha (বি এন ঝা ) ---- 1961-1967 ---- (১৯৬১-১৯৬৭)
10. K. R. Damle ( কে আৰ ডেমলে) ----- 1967-1971 (১৯৬৭-১৯৭১)
11. R.C.S. Sarkar (আৰ.চি.এছ. চৰকাৰ) ---- 1971-1973 (১৯৭১-১৯৭৩)
12. A. R. Kidwai (এ আৰ কিডৱাই) ---- 1973-1979 (১৯৭৩-১৯৭৯)
13. M. L. Shahare (এম এল শ্বাহাৰে ) ----- 1979-1985 (১৯৭৯-১৯৮৫)
14. H. K. L. Capoor (এইচ কে এল কেপুৰ) ----- 1985-1990 (১৯৮৫-১৯৯০)
15. J. P. Gupta ( জে পি গুপ্তা ) ---- 1990-1992 (১৯৯০-১৯৯২)
16. R. M. Bathew (Kharbuli) (আৰ এম বাথেউ (খাৰবুলি)) ---- 1992-1996 (১৯৯২-১৯৯৬)
17. S. J. S. Chhatwal (এছ জে এছ ছতোৱাল) ---- 1996 (১৯৯৬)
18. J. M. Qureshi (জে এম কুৰেশ্বি) 1996-1998 ---- (১৯৯৬-১৯৯৮)
19. Lt. Gen. Surinder Nath (লেফটেনেণ্ট জেনেৰেল সুৰিন্দৰ নাথ) 1998-2002 ---- (১৯৯৮-২০০২)
20. P. C. Hota (পি চি হোটা) ---- 2002-2003 (২০০২-২০০৩)
21. Mata Prasad (মাতা প্ৰসাদ) ---- 2003-2005 (২০০৩-২০০৫)
22. S. R. Hashim (এছ আৰ হাছিম ) 2005-2006 ---- (২০০৫-২০০৬)
23. D. P. Agrawal (ডি পি আগৰৱালা) ---- 2008-2014 (২০০৮-২০১৪)
24. Rajni Razdan (ৰজনী ৰাজদান) 2014 ---- (২০১৪)
25. Deepak Gupta (দীপক গুপ্তা) 2014-2016 ---- (২০১৪-২০১৬)
26. Alka Sirohi (আলকা চিৰোহি) 2016-2017 ---- (২০১৬-২০১৭ )
27. David R. Syiemlieh (ডেভিদ আৰ ছিয়েমলিহ) 2017-2018 ---- (২০১৭-২০১৮)
28. Vinay Mittal (বিনয় মিত্তল) 2018---- (২০১৮)
29. Arvind Saxena ( অৰবিন্দ ছাক্সেনা) 2018-2020 August ---- (২০১৮-২০২০ আগষ্ট)
30. Pradeep Kumar Joshi (প্ৰদীপ কুমাৰ যোশী) August 7, 2020 April 4, 2022 - Till now ---- (আগষ্ট ৭, ২০২০ ৪ এপ্ৰিল, ২০২২ - এতিয়ালৈকে)
0 Comments